雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2016年1月18日星期一

蝦醬翠肉瓜炒蝦仁

蝦醬翠肉瓜炒蝦仁，

翠肉瓜快炒先夠爽脆，

加埋惹味嘅蝦醬，

真係超級好送飯架!

材料: 翠肉瓜1個、蝦仁200g、蒜蓉、薑片

醃料: 鹽、胡椒粉、麻油

調味: 蝦醬1茶匙、糖半茶匙

做法: 蝦仁解凍後用廚紙抹乾水份，落醃料醃30分鐘；

翠肉瓜切片；燒熱油鑊落薑片和蝦仁，煎蝦仁兩面轉色或8成熟後上碟；

原鑊落蒜蓉和翠肉瓜快炒，加調味和水1湯匙快炒至翠肉瓜乾身，

最後落埋蝦仁炒多十幾下便成。

~各款蝦醬味道不同，請自行試味加減糖份。