2015除夕元旦廣州探親之旅

昨日一行8人齊齊返廣州探叔父大人，

今次係祈祈BB第一次返廣州，

佢不知幾興奮呀!

我哋揀咗坐直通車由紅磡去廣州東站，

咁老人家和小朋友過關就唔使咁辛苦喇!

妹夫一早上網訂咗叔父家附近的酒店，

平平哋$250晚，

簡簡單單，

設計OK啦!

未探叔父之前醫醫肚先。

堂姐堂妹佢哋見到我哋咁多人一齊返廣州，

真係好高興，

一早整咗咸茶粿俾我哋食，

老公大讚好味，

雖然食完午飯佢都食咗兩個；

堂姐仲專登叫堂弟係雲南寄咗幾餅茶葉俾我哋呀!

探完叔父之後，

我哋各自活動，

母親大人和妹夫齊齊去按腳和按摩，

其餘的就返酒店午睡；

我和老公瞓咗一陣就走咗去行街街，

酒店樓下係步行街和街市，

真係咩都有得賣呀!

見到呢檔手擂芝麻糊，

咁就要試下啦!

7蚊人仔一碗，

真係好香濃!

唔錯架!

呢堆就係我哋係超市買嘅嘢喇!

連埋堂姐妹和堂弟嘅手信，

今次真係要係廣州買架手推車，

唔係咁多嘢都唔知點攞囉!

堂姐真係好好客，

話第一次見祈祈BB，

請佢食乳豬，

我哋爭住俾錢都唔肯收；

食飽飽就行下珠江，

成年冇返廣州又唔同哂，

行咗新建的珠江橋，

配合兩岸燈飾，

真係好靚架!

行夜街都不忙買嘢，

行過廣州買年貨批發嘅舖頭，

忍唔住買咗掛飾和公仔，

掛飾5蚊個、公仔大的19.9、小的9.9呀!

今早約埋堂姐妹飲早茶，

11個人差不多食咗廿幾碟點心都係360人仔左右，

抵食，

呢餐我哋終於爭贏俾錢啦!

臨走前又去叔父大人家，

同佢老人家合照，

今次見佢精神好好，

仲肥咗添呀!

我哋2點幾就出咗廣州東站，

姐姐妹妹佢哋就去咗搵食，

我和老公仲飽所以冇食到!

呢隻雞髀充滿著童年回憶，

好懷念父親大人對我哋嘅愛鍚啊!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page