噚晚零晨，
小魔怪已經搭飛機去英國讀書啦!
啱啱收到佢由英國whatsapp我，
已經安全到達英國希思羅機場，
等緊轉機到紐卡素，
學校方面已經安排咗部免費的士，
車佢和同學仔一齊去學校宿舍，
打點一砌後再會聯絡我呀!
(亞仔，記得俾心機讀書喇!)
(亞仔，記得俾心機讀書喇!)
噚晚7點左右我哋已經到咗機場，
同小魔怪食個豐富晚餐先得，
佢揀咗鋸扒，
又唔貴喎!
不過杯檸檬茶就好攪笑，
有茶冇檸檬囉!
寄行李前緊係要影張相留念啦!
小魔怪嘅同學仔和教會朋友都有嚟送機，
好熱鬧啊!
佢今次要做大哥哥，
照顧同行嘅同學仔，
辛苦哂你啦!
送上到英國嘅第一份早餐~麵包!
剛剛收到小魔怪傳來英國紐卡素和新特蘭相片，
見到雪，
好興奮呀!
大家可以入嚟Facebook讚下我新開嘅Fans專頁呀!
時間好快過咋.你仔好呀肯wt比佢樣你地睇.我仔唔肯比.所以佢離港咁耐就真係見唔到佢樣咁耐.而samwei唔好咁緊張我係"乜水".我只係有睇雀后和妳blog.所以好隨意咁問吓佢仔會唔會見妳姐.
回覆刪除我哋成家人都好擔心佢，所以吩咐佢要多D聯絡我哋，尤其妹妹驚佢去英國一年，祈祈BB會唁認得佢呀!
刪除我又唔識你，講到大家好似好熟咁
刪除現在科技發達,第一時間報告行蹤，放心好多呢!
回覆刪除係呀，佢一到埗就買咗上網咭，20鎊一個月，咁就隨時用電話whatsapp我哋都得啦!
刪除真係世界零距離呀!
小魔怪好高大好帥，讚
回覆刪除哈哈，老公成日話似佢，咁靚仔呀!
刪除衷心祝福小魔怪一切順順利利！
回覆刪除小魔怪外形真係掂喎，他日學成歸來，又係一名男神
多謝妳呀!
刪除乜揀鋸扒架?! 中式o野有排冇得食喎.
回覆刪除佢就係咁，出外食通常揀西餐或日本餐，係屋企先食中餐呀!
刪除小魔怪高大靚仔，祝學業進步！
回覆刪除多謝妳呀!
刪除阿仔女仔朋友多，呵呵！！！！
回覆刪除佢人緣真係好好，成日有女仔打電話俾佢架!
刪除祝學業進步！Good Luck !
回覆刪除多謝多謝!
刪除GOOD LUCK!@~~讀完書返黎你就享福呢~!
回覆刪除哈哈，希望啦!
刪除