薯仔肉碎飯(電飯煲版)

今日開始教小魔怪用新電飯煲；

第一次教佢嚟煮就係呢個零失敗嘅方便飯，

唔使理咁多，

飯滾就食得，

仲夠哂飽肚添呀!

去到英國時，

唔使日日出街食fish&chips，

好易變肥仔架!

材料: 薯仔1個、豬肉碎200g、1杯半米、鹽少許

醃料: 豉油1湯匙、鹽半茶匙、糖1茶匙、粟粉少許、麻油少許　

做法: 豬肉碎用醃料醃一陣；薯仔去皮切粒；米洗淨備用；

將少許油和薯仔放入電飯煲(按著煮飯制)，煮薯仔一陣後加入豬肉碎炒勻，

然後落米、2杯水(量米杯)和少許鹽攪勻，加飯煲蓋繼續煮至飯滾和跳制後，

唔好開蓋焗10分鐘，攪勻食得啦喇!

~因為豬肉會出水，令呢個飯係濕濕哋，但易入口，

想食乾身少少嘅飯，咁就落少D水啦!

~如用清雞湯代替水的話，咁連鹽都唔使落添呀!

~隨個人喜好，可加蔥粒拌飯一齊食都得架!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page