雜菜肉碎炒米粉

話咁快又到咗星期一，

大家又回復平時嘅日子，

返工的返工，

返學的返學，

而我呢???

咪又係要繼續我朱家總管嘅職務囉!

今朝打掃完屋企後，

簡簡單單炒咗個米粉做午餐，

哈，

又預多咗份量添，

我諗做埋晚餐都仲得呀!

材料: 孔雀牌米粉4個、豬肉碎$15、椰菜半個、甘筍1條、

雞蛋2隻、清雞湯1碗、鹽適量

醃料: 豉油1湯匙、糖1茶匙、鹽半茶匙、粟粉少許、水2湯匙

做法: 豬肉碎用醃料醃30分鐘；米粉用暖水浸軟後，略剪斷；

椰菜和甘筍切絲；雞蛋打發好備用；

燒熱油鑊落雞蛋快手炒勻後上碟；

燒熱油鑊加肉碎快炒(盡量將肉碎炒散)，

炒至8成熟後加入椰菜和甘筍絲炒勻，落雞湯煮滾後，

加入米粉炒至乾身(我用鑊鏟和筷子兩隻手齊齊炒)，

加鹽調味落埋蛋炒勻便成。

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page