素湯~冬瓜粟米甘筍生熟薏米黃豆湯

今日買齊材料，

煲個清清哋嘅素湯；

呢個湯功效多蘿蘿，

飲多幾碗都唔怕呀!

冬瓜~利尿袪濕；

粟米~益脾胃、養腎氣、除煩熱、利小便；

甘筍~袪脂降壓、通便、明目、健脾、降糖消渴、抑癌抗瘤；

黃豆~防血管硬化、通便、增強免疫力；

生熟薏米~健脾胃、利小便、袪水腫。

材料: 冬瓜1斤半、粟米2條、甘筍2條、生熟薏米$5、黃豆$3、

果皮1片、蜜棗4粒

做法: 黃豆洗淨用水浸1小時；冬瓜連皮切件；粟米和甘筍去皮切件；

果皮浸軟去囊；生熟薏米略浸；將9碗水和果皮先煲滾後，

加入所有材料煲1小時30分鐘，最後加鹽調味便成。

~如果怕冬瓜薏米寒涼的話，可以加片薑落去一齊煲架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page