2015年7月25日
今日沖繩打風，
聽朋友仔講香港新聞報導話呢個颱風好利害，
香港去沖繩飛機仲要停航添；
我哋身在沖繩感受到D風真係好大，
但只落咗少少微微雨，
夜晚返酒店睇到日本新聞先知原來吹咗上鹿兒島!
見仲未有風雨，
我哋改咗行程，
先去沖繩南部~具志川城跡和喜屋武岬。
可能打風，
連日本人都冇咩點出嚟，
成個平和祈念公園得10個人左右咋!
沖繩文化王國玉泉洞，
睇天然鐘乳洞；
買咗2個芒果即場切嚟食，
好多汁，
Yummy yummy!
揸車返沖繩機場附近嘅遊食來食午餐，
海鮮、串燒、大蝦、燒蠔樣樣齊，
不過我哋揀咗食沖繩拉麵和鰻魚飯，
食到飽飽，
好滿足呀!
附近仲有個大型蔬菜市場，
我哋買咗芒果返酒店食呀!
(臨上機前，我哋就係呢度掃芒果、桃和苦瓜呀!)
下午節目有參觀比嘉酒造、行100yen店和Aeon店 。
姐姐又要我哋俾2個鐘頭佢行街街，
我超攰頂唔順就搵地方休息休息囉!
晚餐就去國際通食shabu shabu放題，
今晚係最早返到酒店架啦!
不過都要差不多10點呀!
大家可以入嚟Facebook讚下我新開嘅Fans專頁呀!
每次見到炸物同放題我就雙眼發光喇 ^^
回覆刪除日本炸雞好好食，一定要試呀!
刪除1300/2個芒果咁平?食遊來D野係咪平D架~
回覆刪除係呀，呢個農產品超市好多日本人去架，買嘅嘢真係好鬼平架!
刪除姊姊真係好腳力！
回覆刪除姊姊有得shopping係唔會攰架!
刪除有車方便好多~
回覆刪除有車就可以去邊就去邊，好方便架!
刪除so far 天氣都好好，唔會有雨，都唔錯啦，
回覆刪除係呀，冇雨又冇太陽，爽呀!
刪除燒開邊蝦要1600一隻呀? 都幾貴喎..咪成舊水食隻蝦?
回覆刪除龍蝦嚟架，都幾大隻架!
刪除D野真係抵，難怪你地食咁多
回覆刪除係呀，真係超抵食，唔食對唔住自己呀!
刪除