沙茶小炒皇

哈哈，

今次呢個餸係集合雪櫃剩餘物資煮成的，

翠肉瓜、三色椒、豬肉片和舞菇，

炒炒埋埋又一碟餸，

精明之餘又有好餸食囉!

材料: 翠肉瓜1個、三色椒各半個、梅頭肉$20、舞菇1包、蒜蓉

醃料: 豉油1湯匙、糖1茶匙、粟粉1茶匙、麻油少許

調味: 沙茶醬1湯匙、鹽和糖各少許

做法: 翠肉瓜切片；三色椒切粒；梅頭豬肉切片後用醃料醃1小時；

舞菇去蒂後，用白鑊(不用加油)炒舞味菇至乾身後盛起；

燒熱油鑊先爆香豬肉片至熟後盛起備用；

燒熱油鑊加蒜蓉、翠肉瓜和三色椒快炒數十下，

落沙茶醬、豬肉片和舞菇炒勻，落3湯匙水加蓋焗1分鐘，

加少許鹽和糖調味後，落少許粟粉水埋芡汁便成。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page