芝士鮮茄洋蔥焗豬扒飯(炒飯底)

好耐冇食過焗豬扒飯，

噚日見百佳有大塊飛排豬扒賣，

即刻買咗幾塊返屋企，

焗咗個芝士鮮茄洋蔥焗豬扒飯(炒飯底)，

小魔怪見到D芝士已經流哂口水，

仲話要換個大湯碗嚟裝飯添呀!

好攪笑囉!

材料: 飛排豬扒4塊、蕃茄3個、洋蔥半個、蒜蓉、冷飯4碗、

蛋2隻、mozzarella芝士碎

調味: 豉油1.5湯匙、糖1茶匙、粟粉1茶匙、麻油少許

汁料: 蕃茄醬3湯匙、喼汁1湯匙、糖3茶匙、鹽半茶匙、

豉油1湯匙和1碗水(糖份量可以自行調節)

做法: 飛排豬扒洗淨後(切件)，用刀背輕輕剁豬扒面面，落醃料醃半日；

蕃茄和洋蔥切件；燒熱油鑊煎豬扒兩面至熟後盛起；

燒熱油鑊爆香蒜蓉、洋蔥和蕃茄炒勻，

落汁料煮滾後加入豬扒煮至汁濃(可加粟粉水埋獻汁)；

將蛋炒飯放入焗盆內，加入鮮茄洋蔥豬扒，再灑上mozzarella芝士碎，

用220度焗10分鐘或芝士溶便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page