雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2014年2月9日星期日

客家菜~南乳芹菜腩肉炆芽菇

每逢過年，

客家人一定會炆芽菇嚟食，

老公話冇食過芽菇唔似過年喎，

所以呢個家鄉餸一年食一次呀!

材料: 芽菇、腩肉、芹菜、薑片、紹酒、粟粉水

調味: 南乳、冰糖、鹽少許

做法: 腩肉出水30分鐘後切件；芽菇去蒂和皮洗淨備用；

芹菜洗淨切段；燒熱油鑊爆香薑片和南乳，加腩肉快炒，贊少許紹酒後，

落3~4小粒冰糖和3碗水先炆腩肉30分鐘，再加芽菇芹菜一齊炆至腍後，

再少許鹽調味和落粟粉水埋獻汁便成。