涼拌麻辣牛肚

 

今日唔知挑起邊條筋，

 

好想食牛肚，

 

但行勻我哋果頭D街市凍肉舖都冇金錢肚買，

 

最後係佳寶俾我搵到急凍牛肚，

 

頂住癮先，

 

下次再落元朗搵日有冇金錢肚賣先得!

 

 

 

材料: 牛肚1磅、鹵水汁5湯匙、薑片、蔥段、蔥絲、薑絲、

 

紹酒適量、冰糖1粒、辣椒仔1隻

 

麻辣汁: 花椒油2茶匙、辣豆瓣醬2茶匙、豉油2湯匙、麻油1茶匙、糖少許

 

做法: 牛肚解凍後去污物肥膏；燒熱水加入牛肚、薑片、蔥段和紹酒，

 

出水15至20分鐘；把6湯匙鹵水汁、5碗水、冰糖、薑片和辣椒仔煮滾，

 

放入牛肚煮滾後轉細火鹵2小時左右，熄火後唔好開蓋焗至牛肚涼後，

 

撈起切絲，加入麻辣汁、薑絲和蔥絲撈勻便成。

 

(麻辣汁可自行調較辣味啊!)

 

 

 

  

 

 

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page