大年初三~酒微菜薄

 

今日大年初三，

 

大伯一家和姑奶一家齊齊過嚟拜年，

 

煮咗一餐簡單餸菜，

 

酒微菜薄，

 

招呼唔到!

 

 

 

冬菇花膠蠔豉髮菜炆鴨腳

 

材料: 冬菇、花膠、蠔豉、髮菜、鴨腳、薑片、冰糖1小粒、粟粉水

 

調味: 蠔油2湯匙(炆冬菇用)、老抽適量、鮑魚汁2湯匙、

 

糖1茶匙、清雞湯1盒(細)、水1碗

 

做法: 花膠出水後備用；冬菇浸軟去蒂備用；

 

髮菜浸後用1茶匙粟粉洗下去污物，洗淨備用；

 

蠔豉浸軟用薑汁酒醃一陣，燒熱油鑊加蠔豉煎煎兩面至金黃色後備用；

 

鴨腳用薑酒出水；燒熱油鑊加薑片煎香，

 

加入冬菇、2湯匙蠔油、1小粒冰糖和2碗水先炆1小時左右，

 

(因冬菇厚身，所以預先炆定，如用中小型冬菇可略去此步驟)；

 

凍油落LC鍋加熱煎香薑片，加入鴨腳、冬菇、蠔豉、

 

花膠和調味(包括炆冬菇汁)炆至汁濃，落髮菜後炆多10分鐘左右，

 

可按個人口味加少許鹽和糖調味，最後用粟粉水埋獻汁便成。

 

花膠出水方法: 早一晚用水先浸定花膠，

燒熱一鍋水將花膠、薑和蔥一齊出水15分鐘，

熄火焗3-4小時以上。

 

 

 

  

 

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page