今朝冇咩忙，
剩係搓定呢個薯餅，
等大魔怪返嚟有得食；
好方便，
整定放入冰箱，
材料: 薯仔4個、新鮮粟米1條、甘筍半個、麵粉、蛋1隻和麵包糠、生菜絲
調味: 牛油1湯匙、幼鹽和黑胡椒碎適量
做法: 甘筍去皮刨絲；燒熱水放入薯仔和粟米烚腍；粟米拆粒；
襯熱把薯仔去皮用匙羹壓成蓉後落牛油攪勻，
加入粟米、甘筍絲、幼鹽和黑胡椒碎拌勻後，
將雜菜薯蓉搓成餅，放入冰箱雪硬身，順序沾上麵粉、蛋液和麵包糠，
放在熱滾油上炸至金黃色，用廚紙索油後，放在生菜絲上便成。
(小心油唔可以太滾，唔係就好易燶架!)
大家可以入嚟Facebook讚下我新開嘅Fans專頁呀!
好主意喎，可以整定啲做存貨^^
回覆刪除我懶嘛，咪一次過整多D放入冰箱囉!
刪除正!
回覆刪除外脆內軟，正呀!
刪除又靚又正啊! ^_^
回覆刪除賣相都唔錯架!
刪除大魔怪真幸福，一返o黎就有好o野食！
回覆刪除佢平日返學冇啖好食，襯佢返嚟咪整D嘢俾佢食囉!
刪除好靚呀！睇見就想食喇！
回覆刪除隻隻金黃色，又真係幾靚呀!
刪除有咁豐富嘅嘢嚟食，大魔怪好幸福呀！
回覆刪除佢食得不知幾開心呀!
刪除好香口。
回覆刪除Yummy yummy!
刪除好香脆呀!我又要
回覆刪除快D過嚟食啦!
刪除我好唔識整，因為好似淋 pat pat. 原來要入冰箱雪硬。
回覆刪除雪硬少少易煎呀!過記得搓薯餅唔好搓咁厚身，因雪硬了內裡會結冰架，太厚會難炸熟架!
刪除老公同我都好鐘意食呢個!
回覆刪除我都好鐘意食架!
刪除要炸都係去你度食嘞
回覆刪除歡迎歡迎!
刪除好脆,好靚,下次試吓先.
回覆刪除整啦!好味道呀!
刪除嘩....嗰D薯餅炸得好金黃, 又唔覺油淋淋 火喉和炸油控制得好好...!!
回覆刪除炸嘢真係唔易架!
刪除食就好食,不過炸嘢我怕肥,真予盾
回覆刪除就咁整薯蓉都好好食架!
刪除炸野對我嚟講已經係唔簡單喇!
回覆刪除炸嘢真係好難控制呀!>.<
刪除正. 啱我.
回覆刪除快D整嚟食啦!
刪除我成日炸到燶晒，原來要油唔好太滾，呢個先係重點， oh i see la. Thank you.
回覆刪除太滾油好易炸燶架!初頭要用中火，最後轉大火逼番D油出嚟就得!
刪除可否唔炸，改煎呢？
回覆刪除半煎炸都可以啊！
刪除