2014年日本京都大阪之旅

 

嘻嘻，

 

我又一次撇低大小魔怪和老公，

 

今晚零晨時份會飛去日本玩呀!

 

同行有姐姐姐夫、我和一位遠道由英國返來的朋友仔，

 

目的地是日本京都和大阪，

 

我哋選擇自駕遊，

 

行程方面由姐姐負責plan,

 

我剩係負責吃喝玩樂咋!

 

帶嘅行李得咁多，

 

希望可以剩多D空位出嚟啦！

 

涼拌麻辣牛肚

 

今日唔知挑起邊條筋，

 

好想食牛肚，

 

但行勻我哋果頭D街市凍肉舖都冇金錢肚買，

 

最後係佳寶俾我搵到急凍牛肚，

 

頂住癮先，

 

下次再落元朗搵日有冇金錢肚賣先得!

 

咖哩雞

 

有時唔知煮咩餸時，

 

呢個咖哩雞係最佳後備啦!

 

簡單又好送飯，

 

真係唔覺唔覺會食多咗飯架!!

韓式泡菜炒五花腩片

哈哈，

 

中度中咗星星毒，

 

但睇到第十七集就停咗，

 

其實真係好想繼續睇落去架，

 

不過又唔想一星期等睇果兩集，

 

唯有忍住唔睇住，

 

等佢大結局一次過睇埋最尾果幾集呀!

 

冇得睇，

 

食泡菜止下癮先得!

 

 

鹽酥雞

 

近日追睇緊來自星星的你，

 

每次見到全智賢食炸雞飲啤酒時，

 

自不然想起韓國炸雞嘅美味，

 

睇到我流哂口水，

 

好想食呀!

 

前兩日我都唔執輸， 

整個台灣鹽酥雞嚟止下口水先得!

2014廣州探親行

 

噚日同母親大人一早返廣州探望叔父，

 

自嬸嬸離世後，

 

行動不便的叔父起居飲食由堂妹照顧，

 

叔父精神都唔錯，

 

還認得我和母親大人啊!

 

茶樹菇炆雞翼

 

今日我會同母親大人返廣州探望叔父，

 

驚新工人姐姐煮唔掂兩餐飯，

 

所以一早炆定雞翼，

 

起碼都有餸食吖!
 

 

素雜菜薯餅

 

今朝冇咩忙，

 

剩係搓定呢個薯餅，

 

等大魔怪返嚟有得食；

 

好方便，

 

整定放入冰箱，

 

隨時沾麵包糠炸嚟食就得啦!

上水珍苑麵家

 

今日同朋友仔去上水，

 

仲專登有我去佢姐姐夫家開嘅麵舖食嘢；

 

哈哈，

 

最出名嘅鹵水豬手、鹵水雞翼、牛腩和水餃，

 

我樣樣都試勻，

 

今次真係日日有食神呀!

地址: 上水新勤街1號新寶大廈地下

 

 

金銀蛋蒜子肉碎菠菜

哈哈，

細細個好鐘意睇Popeye大力水手卡通片，

真係以為食大力菜會變大隻，

係咪好蠢呢!

西餅、蛋糕製作精選實習班(六)~第四堂

 

1月28日

 

今日學整印尼千層生果籃蛋糕

 

亞sir已經幫我哋焗定蛋糕底，

 

我哋就學整印尼千層蛋糕，

 

呢個蛋糕要落好多糖和好多牛油，

 

唔會自己係屋企整囉!

 

亞sir個蛋糕寫埋個靚靚福字，

 

而我就整斷咗朱古力花籃啦!

 

 

紅酒燴牛肋條

 

昨晚我同老公去食盆菜，

 

帶咗支一公升紅酒飲剩少少，

 

老公問仲有冇用???

 

哈哈，

 

俾我，

 

我會飲埋佢囉!

 

 

 

素湯~冬菇栗子湯

 

每逢星期六日，

 

大魔怪通常都會留係屋企，

 

所以呢兩日，

 

我哋多數食素菜和飲素湯呀!

下午飲碗素湯食湯渣當飯，

晚上去食盆菜，

打和!

 

 

蒜香魚露豬扒

 

 又話今日開始回暖，

點知成日凍到隻狗咁，

係屋企都要著羽絨和襪，

冇太陽，

氣溫真係爭好多架!

 

中西合壁~中西素食情人節餐

 

今日係中西情人節!

 

我哋咁多年都唔會同人哋逼，

 

都係自己煮呀!

 

今日好特別，

 

煮咗個中西素食情人節餐!

 

攪攪新意思嘛!

 

啫啫雞煲

 

呢排忙D咩???

 

我忙煲劇囉!

 

韓劇~來自星星的你，

 

超好睇!

 

嘻嘻，

 

今日煲劇加食煲仔菜，

 

一樣咁正呀!

 

冬菇土魷蒸豬肉餅

天寒地凍，

 

今朝起身得仲5度添，

 

真係凍到我滕滕震；

 

一早起身買定料煲湯，

 

點知個個都唔返嚟食飯!

 

又要食孤獨老人餐囉!

 

西餅、蛋糕製作精選實習班(六)~第三堂

 

1月21日

 

呢堂學整青蘋果毛士蛋糕和蕃茄露筍芝士蛋批，

 

亞sir整嘅蛋糕靚好多，

 

我整嘅緊係有待改善啦!

 

亞sir話個蕃茄露筍芝士蛋批齋咗少少，

 

所以加咗腸仔落去呀!

 

而D黑橄欖係同學仔帶嚟架!

 

 

 

 

黃金組合~菜乾咸鴨腎排骨粥&上海粗炒麵

 

 

新年過後，

 

可能食得太多得油膩嘢，

 

小魔怪口生痱子，

 

今日仲又要去見牙醫，

 

所以午餐煲咗個下火粥和上海粗炒麵!

 

 

 

客家菜~南乳芹菜腩肉炆芽菇

 

每逢過年，

 

客家人一定會炆芽菇嚟食，

 

老公話冇食過芽菇唔似過年喎，

 

所以呢個家鄉餸一年食一次呀!

 

雀后廚藝分享會

 

今日雀后廚藝分享會完滿結束，

 

多謝大家參加！

 

4個鐘內完成3個餸和2個醬汁，

 

有得玩，

 

有得食，

 

好Happy啊!

 

遲D仲有更多花絮，

 

睇住咁多先啦！

 

我偷影咗幾張相咋，

 

有幾張相係參加者post係facebook，

 

我借用咗!

 

(點解張張都冇我個貓樣架!)

 

 

荷蘭豆炒鴛鴦臘腸

 

母親大人過年前攞咗D膶腸臘腸俾我，

 

今日用嚟炒荷蘭豆，

 

都唔錯喎!

 

 

唔辣版~豬皮蘿蔔魚蛋雞翼尖

 

今日係人日，

 

我雀后祝大家人日快樂。

 

朋友仔話想食豬皮蘿蔔魚蛋雞翼尖，

 

所以整咗呢個唔辣版，

 

咁就大人細路都啱食啦！

 

 

 

2014馬年惠州之旅~美食篇

 

返親惠州，

 

堂弟堂弟婦都會煮好多嘢俾我哋食，

 

連自製煮食爐都要出動添，

 

呢個爐燒木架，

 

環保呀!

 

 

素湯~茶樹菇粟米紅蘿蔔馬蹄湯

 

新春期間，

 

日日係咁大吃大喝，

 

唔肥幾磅都幾難囉!

 

今日煲個素湯飲下清清腸胃先得!

2014馬年惠州之旅~手信篇

 

每年年初三都會返惠州拜年，

 

雖然來去匆匆，

 

但係中國過年真係好熱鬧，

 

家家戶戶放煙花爆竹，

 

充滿新年喜氣洋洋的氣氛啊!

 

雖然去到咁遠咁偏僻嘅地方，

 

我都有買到手信呀!

 

 

大年初三~酒微菜薄

 

今日大年初三，

 

大伯一家和姑奶一家齊齊過嚟拜年，

 

煮咗一餐簡單餸菜，

 

酒微菜薄，

 

招呼唔到!

 

 

大年初二~開年飯

 

今日係大年初二，

 

晨早起身落街市買雞，

 

雖然唔係新鮮雞，

 

但感覺上過年要有隻雞先似樣呀!