終於搬哂亞虎blog過嚟啦!
係亞虎果邊有1989篇架，
不過依家計埋我9月份開始係呢度寫blog，
搬哂過嚟得番1517篇，
因為其中有好多篇有死圖嘅情況，
所以冇得copy過嚟，
咁都好，
我唔使搬得咁辛苦呀!
搬blog真係仲辛苦過返工，
由朝坐到黑，
連煮飯食飯都要快呀!
材料:
雞翼2磅、薯仔2個、洋蔥半個、李X記咖哩醬2湯匙
醃料: 豉油1湯匙、老抽1茶匙、糖和粟粉各1茶匙
做法:
雞翼解凍後，用醃料醃1小時；薯仔切片備用；
燒熱油鑊加蒜蓉和2湯匙咖哩醬爆香，加入薯仔和洋蔥爆香後，
落雞翼略炒數十下，加2碗水炆大約15分鐘左右或汁濃便成。
大家可以入嚟Facebook讚下我新開嘅Fans專頁呀!
呢個餸淨係撈汁都好正！
回覆刪除我仲有300篇先搬完呀！ :((
我鐘意撈汁食飯，所以咪咁肥囉!@@"
刪除咦, yahoo! 會幫我地搬埋過來架?! 早知唔洗copy N paste咁辛苦啦~
回覆刪除Yahoo唔會幫我哋搬過嚟架!佢俾個檔案妳自己搬呀，不過超複雜，我都係自己逐篇搬好過啦!
刪除唔該外賣一份，多飯多汁 []~(￣▽￣)~*
回覆刪除多飯多汁，唔要雞翼???
刪除我寫得咁少都搬到頭暈眼花，呢度又未識用，尤其係google+，要變身...又唔識兩邊走，經常盪失路！
回覆刪除我同google+分咗家，依家冇咁精神錯亂啦!
刪除真係多得隻虎唔少
回覆刪除好想打佢呀!
刪除搬完可以抖抖.
回覆刪除真係要抖抖呀!
刪除黎到blogspot覺得好迷惘,雖然多咗functions,不過唔係好識用
回覆刪除要慢慢摸索，唔明就要問下人架!
刪除搬完個blog輕鬆晒.我都未掂.
回覆刪除慢慢嚟啦!
刪除你搬完可以休息一下啦，我重有排搬
回覆刪除搬搬下我都冇咩心機喇!
刪除恭喜妳呀 ! 終於完成搬blog 煩事 , 飲得杯落了 .
回覆刪除唉... 我現在仍在努力中 .
日日機械式咁搬blog，好辛苦架!
刪除我見你好勤力搬呀
回覆刪除由朝搬到黑，坐到腰骨痛呀!
刪除又滑又惹味！ 好送飯呢
回覆刪除雞翼點煮都咁好味道呀!
刪除我仲未搬完
回覆刪除搬咗我成個幾月喇，坐到腰骨痛呀!
刪除我放棄咗搬~哈哈~當睇唔到算~!
回覆刪除嗚嗚，我唔捨得嘛，咪要搬搬搬囉!
刪除雀后, 我想由隨意窩輕鬆搬家, 咪唔使煩囉!好唔好呢?!
回覆刪除我都有搬過去，不過搬咗好耐都未搬完呀!
刪除雀后, 我一早搬晒過嚟, 之後執標籤就懶晒~~~唔知幾時先搞掂
回覆刪除初初我都好落力搬blog架，不過近排懶根出哂嚟，攪到依家先攪完呀!
刪除流緊口水中哈！
回覆刪除哈哈，我又要抹地啦!
刪除咖喱好味呀~~ 你用李x記呀？我平時多數用日式咖喱磚，有機會都試下李x記先~~
回覆刪除日式咖哩我都鐘意食，不過間中都會轉轉口味呀!
刪除正，下次又叫工人姐姐試下煮先！
回覆刪除呢個雞翼真係快靚正架!
刪除