明天是姨甥的生日，
我做亞姨梗係要有D表示啦!
我唔單只會出錢，
仲會出少少力添!
咩力???
係整D嘢食同家人分享囉!
不過兩樣都係要雪一日先入味o架!
黨參杞子醉雞翼和雞翼尖
材料: 雞翼4磅、雞翼尖1磅半、醉雞汁2支、花雕酒1碗、
杞子1湯匙、黨參4條、薑片3大片、蔥段、冰塊和冰水一盆!
做法: 煲一鍋熱水，加入薑片和黨參滾45分鐘先出味；
再加杞子、蔥段、雞翼和雞翼尖煲15分鐘；
撈起雞翼和雞翼尖放入浸滿冰和冰水的盆內浸10分鐘；
預備另一個盆加入2支醉雞汁和1碗花雕酒，
將雞翼和雞翼尖從冰水中撈起放入醉雞汁內，
放入雪櫃雪1日咁就食得啦!
(記得雪半日後要將雞翼轉轉位，咁就入味D啦!)
涼拌炸菜腎片
材料: 台灣炸菜1個、火雞腎3個
調味: 泰式雞醬4湯匙、雞粉1茶匙、糖1茶匙和麻油大半湯匙
做法: 將炸菜洗淨浸5分鐘(台灣炸菜冇咁咸，浸嘅時間較短)；
火雞腎洗淨出水20分鐘，用冰水浸5-8分鐘；
將炸菜和火雞腎瀝乾水份切片放入密實袋中，加調味攪勻，
放入雪櫃雪一晚食得!
(記得洗、浸炸菜和火雞腎要用凍滾水呀!)
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!