呢排唔知係咪我食得多嘢得滯呢???
個肚仔好似唔係咁舒服咁，
所以今日我煲咗少少潮州粥，
清清腸胃呀!
食粥梗係要炒番碟小炒嚟送粥啦!
雜錦炒粒粒
材料: 三色椒(每款半個)、蜆肉、菜脯碎、梅頭豬肉、炒香花生和薑片
醃料: 豉油、老抽、麻油、糖和粟粉(醃豬肉粒30分鐘)
調味: 蒜頭豆豉醬1湯匙和紹酒1茶匙
做法: 首先三色椒和豬肉切粒備用；蜆肉用薑片出水；
三色椒炒熟後盛起；炒豬肉粒加少許水焗至熟盛起備用；
落油爆蒜頭豆豉醬後加蜆肉快炒，贊少許紹酒，
加肉粒、三色椒和菜脯粒快炒數十下，最後加花生便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!