雜錦臘味飯!

呢個雜錦臘味飯，

係噚日嘅午餐嚟o架!

用咗Le creuset煲飯，

真係好鬼方便，

前後15分鐘左右就有得食，

連老公都話啱啱先講煲飯，

點解咁快有得食呀!

材料: 4杯米、臘腸2條、臘肉半條和臘鴨髀1隻

調味: 豉油、老抽、糖、麻油加1湯匙清水(自製煲仔飯豉油)

做法: 臘味沖洗後備用；洗4杯米後將米放入24cm湯鍋內，

加3碗水用中火煲4-5分鐘至冒煙和蝦眼水後，將臘味放係飯面，

用中火煲至冒煙，即轉細火煲5分鐘左右，熄火焗5分鐘，

加調味和臘味斬件撈勻食得!

P.S. 小魔怪食咗一啖飯後嘅反應係:

嘩!呢D咩嚟o架???

呢D先係飯嚟吖嘛!

今晚我哋又唔煮飯啦!

因為妹妹新屋入伙，

我哋一行十人一齊出街食自助餐，

兼連食2日大閘蟹後，

我諗嚟梗我要日日食白粥嚟清腸胃呀!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page