有味~飯!

今日天氣開始涼涼哋，

大家記得要添衣呀!

一個唔小心就會凍親o架啦!

喂!我又心思思啦!

嘻嘻!我有咩嘢諗吖???

梗係諗起食啦!

平時我成日整煲仔飯，

今次用簡單嘅方法~電飯煲嚟焗有味飯啦!

咸魚雞粒香菇有味飯

材料: 米3-1/2杯、咸魚2件、雞扒2塊、冬菇10-12粒、

蒜蓉、乾蔥蓉和蔥粒

醃料: 豉油、老抽、糖、粟粉和麻油

調味: 老抽、糖和麻油(甜醬油)

做法: 雞扒去皮切粒後用醃料醃1小時；咸魚起肉切粒；

冬菇去蒂切粒；用油鑊爆香咸魚粒盛起；落油爆蒜蓉和乾蔥蓉後，

加雞粒、冬菇粒和3匙羹水，炒至8成熟後盛起；

用正常程序洗米和煲飯，當飯煮至蝦米水後(即飯面有好多窿窿)，

將雞粒、冬菇和咸魚平放在飯面上，再繼續煮至飯熟為止，

最後加埋蔥粒和甜醬油上色撈勻後食得啦!

(如果加埋菜便成菜飯o架啦!)

黑椒洋蔥炒咸豬手

 用咸豬手煲嘅合掌瓜紅蘿蔔粟米南北杏蜜棗湯

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page