煎牛扒!

好可憐啊!

今日我諗住將舊年去台灣觀摩交流D相，

過翻落學校部電腦度，

點知部電腦唔知發生咩事，

唔單只開唔到，

仲話要我格式化張記憶咭!

大佬呀!

格式化張記憶咭即係要洗哂我果千幾張相，

好大件事喎!

不過都應該冇咩人救到我o架啦!

我唯有忍痛~~格式化咗張記憶咭，

就係咁，

我唔見咗千幾張相呀!

唔得，

要整番D正嘢俾自己補數呀!

肉眼牛扒

西冷牛扒

材料: 西冷和肉眼扒各一盒、三色椒半個切絲、

洋蔥半個切絲、蒜蓉和鹽

醬汁: 蠔油1湯匙、豉油1湯匙、老抽半湯匙、黑椒碎1茶匙、

糖1茶匙和大半碗水

做法: 牛柳和肉眼扒解凍抹乾水份備用；燒熱Le-creuset grill pan，

加少許鹽和黑椒碎係牛扒面調味，搽油响牛扒面，

煎牛扒每面約2分鐘盛起；如果想打格仔，就要煎牛扒1分鐘後轉位啦!

爆香蒜蓉炒三色椒和洋蔥絲後加入醬汁，

煮滾後將三色椒和洋蔥絲拌碟便成。

P.S. 我就係買呢兩款牛扒啦!

上星期惠康特價$70有兩盒呀!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page