近排我屋企個洗衣機出水好慢，
洗一機衫要成1個半鐘，
工人姐姐又唔出聲喎!
攪到晚晚都好夜先瞓呀!
老公話第日搵人整，
我話唔使啦!
應該扭開個水喉位清清D污物就得；
老公好懷疑問得唔得o架???
於是我剩係用1支棉花捧，
清清入水位，咁就攪掂咗，
依家唔使35分鐘就洗完衫啦!
唔知點解，
我好似咩都識，
但又唔係精果隻囉!
話時話，
我覺得我依家煮呢個白汁太好味道啦!
真係有D似飲梗蘑菇湯嘅感覺呀!
老公仲問o麥唔係罐頭湯咩???
白汁蘑菇粟米薯仔燴雞柳
材料: 雞柳3塊、薯仔3個、蘑菇8粒、粟米1碗
醃料: 豉油、糖、粟粉
白汁: 雞湯250ml、236ml低脂鮮奶1盒、麵粉和牛油各1匙羹
做法: 雞柳切大件用醃料醃30分鐘；薯仔切粒後用水煲10分鐘；
蘑菇切片備用；用易潔鑊炒香牛油加麵粉炒約2分鐘，
逐少加入叮熱嘅低脂奶慢慢攪勻；麵粉完全溶於奶後加雞湯和雞柳煮熟，
最後將煮熟嘅薯仔、蘑菇和粟米加入雞內煮至翻滾便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!