口多多!

一個人口多多，

唔係件壞事嚟o架!

話說上次幫我照証件相嘅攝影師，

佢話我著咗件黑色衫，

所以攞特區護照時呢D相未必啱用喎! 

今日，

我去申請特區護照，

諗住去到先再影過D相啦!

嘩!好貴呀!

6張相要$40，

唔捨添!

於是一於少理，

去到counter問問著黑衫D相可唔可以用???

嘻嘻!佢話得喎!

我唔信，

攞埋張相出嚟俾佢睇???

哈哈!都話得咯!

Yeah!咁就慳番四十皮! 

為咗獎勵自己今次咁多口，

所以我去元朗合益街市，

買咗2斤D噴哂水又超新鮮生猛嘅蜆，

2斤蜆都係$36咋!

仲有4炆剩呀!

材料: 蜆2斤、蒜蓉、乾蔥蓉、辣椒仔2隻和紹酒

調味: 蒜頭豆豉醬1湯匙、蠔油1湯匙、豉油半湯匙、

老抽半湯匙、糖2茶匙、粟粉1茶匙、1碗水

做法: 將蜆用鹽水浸半小時，等佢吐吐沙先；

爆香蒜蓉、乾蔥蓉和辣椒仔，加蜆快炒數十吓，鑊邊贊1湯匙紹酒；

落調味後加蓋焗2分鐘，見蜆全開後，炒多幾下至收汁便成。

 

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page