嘻嘻!
今個星期六我唔使返工，
所以明天起一連有3日假期呀!
超開心啊!
個個blog友都話蘿蔔炆牛腩正D，
見雪櫃仲有一包牛肋條，
一於買埋蘿蔔和牛筋，
整番煲嚟食吓啦!
柱候蘿蔔炆牛筋腩
材料: 牛肋條2磅、牛筋2條、白蘿蔔1個、薑、蔥、紹酒和冰糖3小粒
調味: 柱候醬1個半匙羹
醃料: 豉油1湯匙、糖1茶匙和麻油少許
做法: 牛肋條先用薑、蔥和紹酒出水；先用醃料醃牛肋條，
凍油落Le-creuset 24cm湯煲，爆薑落牛肋條和柱候醬，
贊少許紹酒，加冰糖和1碗水，先炆牛肋條1小時後，
加入蘿蔔和牛筋炆多半小時，最後加老抽調色和粟粉埋獻便成。
(如果用普通煲炆嘅話，要落1~2碗水和炆耐少少啦!)
我的蘿蔔牛筋腩撈粗麵(正呀!)
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!