好心急呀!
等咗一日，
終於可以用新買嘅Le Creuset煲啦!
本來我想用咗22cm深底鍋，
不過當我將所以材料放哂落去之後，
已經滿哂，
唯有攞個Le Creuset 24cm湯煲出嚟炆咖哩啦!
唔知道係咪真係傳說中咁好用呢???
咖哩薯仔排骨煲
材料: 腩排$50、薯仔2個、紅蘿蔔1個、洋蔥1個、
利川咖哩一罐、蒜頭3粒和1罐半水(用番利川咖哩罐)
醃料: 豉油、糖和粟粉做法: 用醃料醃腩排1小時；
薯仔、紅蘿蔔和洋蔥切大件；落少許油爆蒜頭，
把腩排、薯仔、紅蘿蔔、洋蔥、1罐利川咖哩和加1罐半水攪勻；
開始炆時用中大火，約5分鐘後見有少許白煙出即轉小火，
炆45分鐘左右。
開頭都幾驚會煲乾水o架!
我終於忍到30分鐘後開蓋睇睇，
都仲有好多水喎!
又真係一D水都冇少到喎!
咁下次就可以落少D水嚟炆嘢啦!
45分鐘後開蓋兼開中火收汁呀!
D排骨真係好腍呀!
總結一個字~正呀!
大家可以入嚟Facebook讚下我新開嘅Fans專頁呀!
用其實咖喱汁份量一樣嗎？
回覆刪除咖哩汁係咪即係咖哩醬？？？如係咖哩醬可落2湯匙爆香所有材料，加水炆35~40分鐘就得。(排骨可預先煎下佢，先再炆。)
刪除