真係要多謝颱風~凡亞比，
因為佢嘅關係，
俾咗半日時間等我用嚟休息。
不過人就係咁衰，
有咁多時間都唔知道做咩好呀!
唯有落街去百佳逛逛啦!
嘻嘻!又俾我買到條好鬼靚，
又好鬼滑嘅~飛排!
咩係飛排???
即係最最最滑腍嘅排骨囉!
係豬中極品嚟o架!
真係唔易買到呀!
日式咖哩薯仔炆飛排
材料: 飛排1條斬大件($56)、薯仔3個、紅蘿蔔1條、日式咖哩3磚和蒜頭3粒
醃料: 豉油、老抽、糖和粟粉
做法: 洗淨飛排抹乾水份後，用醃料醃2小時；薯仔、紅蘿蔔去皮切大件；
凍油落le-creuset湯煲內爆香蒜頭，
把飛排、薯仔、紅蘿蔔加1碗半水攪勻；開始炆時用中大火，
約5分鐘後見有少許白煙出即轉小火，炆45分鐘左右；
最後加日式咖哩磚攪勻便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!