雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2019年10月8日星期二

咸雞

由於星期日要去拜山，

所以早一日買定隻龍崗雞嚟醃咸佢，

蒸熟咗就可以拎去拜山，

拜完山後就可以斬件嚟食啦!

材料: 雞1隻、鹽1.5~2湯匙

做法: 雞去內臟及洗淨後，用廚紙抹乾水份，加入鹽醃一晚；

取出放室溫一小時後，放入蒸焗爐用100度蒸40分鐘便成；

又或放入熱水鑊內蒸30分鐘，唔好開蓋焗多5~8分鐘便成。

~啱啱蒸好嘅雞千祈唔好即刻斬件呀，一定要雞身涼哂先好斬，

如果唔係，斬出嚟嘅雞會甩皮甩骨架!

~蒸完雞之後嘅雞油和雞汁通常我唔會倒，用嚟炒菜都唔錯架。

~如果雞唔係即時食(放過入雪櫃)，翻蒸雞肉時會冇咁滑，

我會燒熱一鑊水，放入斬好嘅雞件後熄火，用熱水焗5~8分鐘便成。