日式咖哩蛋包飯(素)

平時整素日式咖哩，

大魔怪好鐘意配香蔥薄餅點嚟食，

今次我整咗個小型蛋包飯俾佢配日式咖哩，

雖然個蛋皮俾我煎到老咗少少，

但見佢食都得好滋味咁喎，

成碟照鏡呀!

材料: 薯仔兩個、洋蔥半個、蒜蓉、日式咖哩適量、雞蛋2隻、白飯適量

做法: 薯仔去皮切粒；洋蔥去皮切粒；雞蛋加少許鹽發勻備用；

燒熱油鑊落蒜蓉、洋蔥炒香，加入薯仔炒勻後，落1.5碗水煮熟薯仔後，

落日式咖哩磚煮溶和杰身後熄火；

燒熱油鑊落蛋液煎至半熟後，加入白飯係蛋面後，

慢慢將白飯包入蛋皮內上碟，加日式咖哩伴碟便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page