雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2017年4月27日星期四

黑椒洋蔥牛仔骨

牛仔骨和洋蔥真係好鬼夾，

仲要配黑椒汁，

簡單絕配，

唔講咁多，

開飯啦喂!

材料: 牛仔骨4塊、洋蔥半個、蒜蓉

醃料: 豉油1湯匙、糖1茶匙、生粉少許、麻油少許、黑椒碎適量

調味: 黑椒醬1.5湯匙、老抽少許、糖半茶匙、生粉1茶匙、水4湯匙

做法: 牛仔骨解凍後切件，用醃料醃2小時；洋蔥切絲；

燒熱油鑊，煎牛仔骨至7成熟後盛起；

再燒熱油鑊爆香蒜蓉和洋蔥(想食熟洋蔥就加少許水焗2-3分鐘)，

加牛仔骨快炒後，落調味煮至翻滾或汁濃便成。