雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2017年4月5日星期三

梅菜茄子蒸鮮腐竹

連續食咗幾餐都係大魚大肉，

係時候要食番清啖少少囉!

見到街市有幼身茄子賣，

買番幾條蒸嚟食都唔錯架!

材料: 幼身茄子2條、甜梅菜半棵、鮮腐竹1包、甜豉油適量、熟油少許

調味: 糖半茶匙、麻油少許

做法: 梅菜浸洗30分鐘後瀝乾水份後切碎；

燒熱鑊不需落油，落梅菜炒至乾身後加糖和麻油炒勻上碟備用；

將鮮腐竹除去包裝後，逐一撕開薄片放入碟內；

將茄子切件後，加入梅菜舖在鮮腐竹面，

落鑊蒸15分鐘，取出後淋少許熟油和甜豉油便成。