釀苦瓜

老公好鐘意食苦瓜，

佢鐘意苦瓜嘅甘苦味，

唔苦唔好食喎!

我就麻麻哋鐘意食喇，

我會加少少鹽將個苦瓜出出水，

炆起個苦瓜會冇咁苦架!

材料: 苦瓜2條、豬肉餡、蔥粒、粟粉水、鹽

調味: 蠔油1湯匙、鹽半茶匙、豉油大半湯匙、老抽少許、糖1茶匙、1碗半水

做法: 豬肉餡用普通醃料醃30分鐘(豉油、糖、粟粉、麻油)；

苦瓜切件後放入鹽水出水2分鐘左右後撈起，

用刀仔切去中間瓜囊，將豬肉餡釀入苦瓜內；

凍油落鑊放入苦瓜略煎肉餡兩面，

加入調味煮滾後，用細火慢慢炆30分鐘左右或至瓜腍，

將苦瓜撈起放入碟內，將餘下的蠔油汁加粟粉埋芡汁，

淋在苦瓜面及灑上蔥粒便成。

   



大家可以入嚟Facebook讚下我新開嘅Fans專頁呀! 


 雀后(添飯)Facebook Fan Page