客家釀苦瓜

惠州買番嚟嘅苦瓜長而幼身，

最啱就係用嚟釀肉架啦!

無論釀豆腐或釀苦瓜，

客家人都鐘意將肉餡加乾蔥頭和咸魚，

煮起嚟特別惹味架!

材料: 苦瓜2條、豬肉碎半磅、梅香咸魚半件、乾蔥頭1個、粟粉少許

醃料: 豉油1湯匙、鹽1/4茶匙、糖1茶匙、粟粉1茶匙、麻油少許、2湯匙水

調味: 蠔油1湯匙、豉油半湯匙、老抽少許、糖1茶匙、1碗水

做法: 將豬肉碎、乾蔥蓉、梅香咸魚(切粒)和醃料醃1小時；將苦瓜切件；

燒熱水加半茶匙糖，落苦瓜灼1~2分鐘後撈起沖水；

挖空中間部份，撲粟粉係苦瓜內餡入豬肉餡；

凍鍋落油燒熱，略煎苦瓜兩面，加入調味煮20分鐘；

將苦瓜撈起放入碟，餘下汁料加粟粉水埋茨汁，淋在苦瓜面便成。

(呢個豬肉餡份量係用唔哂架，可以用嚟釀豆腐或整魚香茄子都得架!)

   

大家可以入嚟Facebook讚下我新開嘅Fans專頁呀!

  

 雀后(添飯)Facebook Fan Page