手剁豬肉蓮藕餅!

 

昨日姑奶過嚟探奶奶，

順便買咗D蔬菜俾我，

有茄子、馬蹄和蓮藕，

有咁多食材，

就用蓮藕整好嘢俾大家食啦!

整呢個肉餅最好自己親手剁肉餅，

除咗好味之外，

最重要有我嘅愛心呀!

 

材料: 蓮藕1大節、豬肉$30、冬菇10隻細、

蝦米2湯匙、蛋1隻

調味: 豉油1.5湯匙、鹽半茶匙、糖和粟粉1茶匙、麻油少許

做法: 豬肉洗淨先切片、切絲後切粒後慢慢剁碎；

冬菇浸軟後切碎；蝦米浸軟備用；

蓮藕去皮刨絲後放入大碗中，

加入豬肉碎、冬菇、蝦米、雞蛋和調味攪勻，

放入雪櫃雪半日；燒熱易潔鑊落油，

將蓮藕豬肉餅用手搓成圓形壓平，

用中火慢慢煎一面金黃色後，先反轉煎另一面，

至兩面金黃色便成。

大家可以入嚟Facebook讚下我新開嘅Fans專頁呀!
 

雀后(添飯)Facebook Fan Page