蔥頭雞!

 

呢排個個人聞雞色變，

連街市雞檔亞姐都叫苦連天~生意難做喎!

見買慣買熟，

點都要幫襯下。

都係果句，

煮熟D應該冇問題呀!

今次我連煲雞水都唔嘥，

用嚟滾雙冬豬展湯(冬瓜、冬菇)，

有湯有餸，

合乎慳家原則。
 

 

 

材料: 雞1隻、鹽1.5茶匙、薑片3-4

做法: 洗淨雞後，用廚紙抹乾水份，用鹽搽勻雞身內外，

放薑片入雞肚內醃半日；燒熱一鍋水，

將雞放入熱水內大滾5分鐘，加蓋熄火焗50分鐘(其間唔好開蓋)；

待涼斬件，最後加埋蔥油料係雞面便成。

蔥油料做法:  乾蔥頭4-5個(隨個人喜好加減)去衣切片撕開一片片；

用碗盛起豉油1.5湯匙和糖1茶匙；

燒熱油爆香乾蔥後加入豉油汁內攪勻。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page