家鄉炒米粉&咸鴨腎豬展粥!

呢排天氣太熱喇!

熱到我都唔想食飯，

於是噚晚煲粥和炒米粉。

用咗係廣州嬸嬸自家曬嘅鴨腎煲粥，

連一向唔多食粥嘅大小魔怪都話好食，

粥就一早食哂啦！

至於碟米粉呢，

我哋狂食後都仲有一大兜放咗係雪櫃囉！

(我又預多咗份量啦!)

 

呢兜就係食剩咗嘅米粉，

今朝大小魔怪和老公食咗一半做早餐，

仲有一半一陣晚餐再食過呀!

家鄉炒米粉:

材料: 天鵝牌米粉一包、椰菜大半個、甘筍1條、芽菜適量、

雞髀肉2塊、蛋2隻、鹽適量

醃料: 豉油1湯匙、老抽少許、鹽半茶匙、糖和粟粉各1茶匙、

麻油和紹酒各少許

調味: 2茶匙雞粉、半碗熱水

做法: 米粉用熱水浸軟；椰菜和甘筍切絲；芽菜去頭和尾灼熟備用；

雞髀去皮切絲用醃料醃1小時；蛋打發好煎成蛋皮切絲；

燒熱油鑊炒雞髀肉、椰菜和甘筍絲，加入調味煮至雞肉熟後，

加入芽菜和米粉炒至米粉乾身加適量鹽調味，

最後將蛋絲舖米粉面便成。

 

 

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page