工人姐姐唔知買咩嘢送咗盒百福豆腐，
係硬豆腐嚟o架!
等我摷吓我個百寶雪櫃，
XO醬帶子蝦仁豆腐
材料:
日本帶子2隻(大)、蝦仁12隻、煎釀豆腐1盒、XO醬2茶匙、
紹酒1茶匙、蒜蓉和蔥粒
醃料:
鹽、麻油和胡椒粉各少許調味:蠔油2湯匙、豉油1茶匙、
糖大半茶匙、粟粉1茶匙和水半碗
做法:
帶子和蝦仁(切粒)解凍後用醃料略醃15分鐘；
豆腐切開6件，燒熱油撲少少粟粉係豆腐面，
煎至豆腐兩面有少少燶後上碟；落油爆香蒜蓉加帶子、蝦仁炒至半熟，
贊酒和加XO醬炒熟後放在豆腐面；煮熱調味後，
將獻汁淋在帶子蝦仁豆腐面，最後灑上蔥粒便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!