仲未驚完呀!

朝早有隻雀仔入咗屋，

老公話飛走咗喎!

 

一路我都唔知，

 

原來隻雀仔飛咗入我房，

 

死雀仲係我條褲度開大添!

 

當佢飛番咗出廳後，

 

嚇到我成個彈起，

 

仲同大小魔怪速速逃入咗房，

 

死雀係個廳度亂飛，
 

 

老公和工人姐姐都冇哂辨法，

 

到最後我都係要同老公夾手夾腳趕佢走，

 

攪到我依家個心肝仔仲卜卜跳呀!

 

滷水四拼(豬肚、豬腸、火雞腎和豆腐)

材料: 急凍豬肚1個、急凍豬腸2條半、火雞腎2個、

滷水豆腐4件、薑、蔥、紹酒和蔥花

調味: 李錦記豉油雞汁半樽和3碗水

做法:豬肚、豬腸和火雞腎用薑、蔥和紹酒出水8分鐘後；

豬肚開邊洗淨去肥膏；豬腸剪開數段後，

將豬腸反入露出豬腸內肥膏，用剪刀剪去較肥部份；

煮滾調味落薑片、豬肚豬腸滷1個半鐘後，

加火雞腎和滷豆腐再滷多20分鐘，取出待涼切片，燒熱豉油汁，

將汁不斷淋在滷味上至熱，最後加蔥花便成。

 

死囉!

隻雀仔仲未走呀!

依家飛咗入廚房!

 

 

 

 

 

大家可以入嚟Facebook讚下我新開嘅Fans專頁呀! 
 

雀后(添飯)Facebook Fan Page