本來諗住炆定個豬軟骨等聽日食，
不過一路炆，
大小魔怪已經話好香，
仲話唔好等聽日先食喎!
咁唯有改改今日晚餐嘅餸，
打尖食咗呢個豬軟骨啦!
材料:
急凍豬軟骨3磅、支竹一包(無炸)、紹酒、蔥花、薑片、蒜蓉和乾蔥蓉
調味: 柱候醬2.5湯匙、生抽1湯匙、老抽1湯匙、冰糖2粒(小)、
粟粉少許和水1碗半
做法:
豬軟骨切大件用薑片和紹酒出水後，瀝乾備用；支竹浸軟備用；
凍油落Le-creuset 24cm湯煲內，爆香蒜蓉和乾蔥蓉，
加豬軟骨快炒後贊酒，加調味炆1小時左右，落支竹炆多半小時，
上碟後加蔥花裝飾便成。
如用其他煲嚟炆，
豬軟骨起碼炆2-3小時以上，
仲要加多2-3碗水去炆。
想豬軟骨連白色軟骨都腍哂嘅話，
唔好即日食，
隔日食就又腍又入味啦!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!