颱風海馬襲港，
俾我有2日額外的假期，
雖然我只係返半日工，
不過唔使返工感覺係好舒服o架!
呢兩日早上休休閒閒的，
真係要搵D嘢做吓先得!
收到家樂牌送嘅禮品包，
梗係要即刻用啦!
今次總共包咗55隻，
小魔怪考完試返到嚟，
一口氣食咗25隻呀!
白菜木耳豬肉餃
材料: 豬肉$25、木耳、大白菜6棵、餃子皮、家樂牌雞濃湯寶一個
調味:豉油2湯匙、老抽半湯匙、鹽半茶匙、糖1茶匙、麻油少許、
粟粉1茶匙和水少許
做法: 首先將木耳浸軟去蒂切絲；大白菜灼熟和瀝乾水份後切碎，
將全部材料加入和調味料一齊攪拌，放入雪櫃雪1小時；
將豬肉餡包入餃子皮中間部份，搽少少水係餃子皮邊及對摺封好餃子，
由右至左輕輕摺疊4下，放在搽有粟粉嘅碟內；
將餃子放入沸水中煮至水滾，加入一碗滿水再煮滾，
重覆加水2次後，撈起放入大碗中；燒熱3碗水，將雞濃寶加入煮滾，
最後將美味雞湯加入餃子內，灑2-3滴麻油，咁就食得啦!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!