2月29日星期四，
香港天氣又霧又有微雨，
但仍未開始凍呀!
突然有急事要即刻返惠州，
我同老公拿拿臨要趕搭12點半嘅永東巴士，
真係有D趕，
未試過呢個時間經蓮塘過關，
超多人呀!
好彩最後都順利搭到大巴，
如果搭唔到就要等多1小時先有車呀!
返到屋企2點幾鐘，
附近粉麵檔已經關門午休，
唯有叫美團外賣，
我叫咗華萊士漢堡，
呢餐食咗34.9蚊人仔，
好抵食呀!
咁急趕返去係因為廚房抽油煙機抽氣出現問題，
要拆天花先整到，
都幾大工程架!
攪咗幾個鐘頭，
終於整好，
但明天要再嚟安裝天花，
老公掃好地後，
唔想去太遠食嘢，
求其係屋苑附近餐廳食晚餐；
食完晚飯就去行街市，
老公買咗支鮮榨花生油，
用嚟炒餸特別有花生香味。
夜晚惠州開始凍喇!
得12度；
3月1日星期五，
今朝瞓醒就得番8度，
好彩我和老公都著夠衫，
而屋企又有暖氣，
所以唔覺好凍囉!
但當我落街買早餐時，
嘩，
又風又雨，
真係超凍，
我諗體感溫度應該得5~6凍呀!
早餐豬雜粉和牛腩粉27蚊人仔，
熱辣辣好暖身呀!
又係美團優選買咗湯包和麵，
豆豉鯪魚12蚊人仔1罐，
超抵呀!
今日等埋師傅嚟整天花，
叫師傅留個生口位，
唔好封死佢，
如果下次再有問題就唔使再拆天花啦!
等師傅整好後，
老公和我又要清潔一大餐，
攪咗半個鐘，
我哋執好行李食埋午餐後，
再call車返大亞灣霞涌新屋，
返到新屋老公搵到新娛樂，
就係玩抖地主喇!
晚餐又去海邊搵食，
買咗鱸魚、蟹和沙白100蚊人仔，
連海鮮加工費、2碗飯和炒菜芯，
呢度收我85蚊人仔，
總共185蚊人仔(免收2蚊紙巾費)，
平靚正，
菜芯食唔哂，
打包返去煮麵食。
經過海味街，
買咗老公至愛嘅咸魚，
姐姐上次食過嘅魷魚片，
佢大讚好味道呀!
於是又買咗少少俾佢食。
最仲我哋買咗個暖爐放係廳，
睡房有暖氣，
唔使用暖爐。
3月2日星期六，
我和老公又要搵師傅~康師傅牛肉麵，
加埋噚晚食剩嘅菜芯，
咁又一餐囉!
咪咪摸摸攪到10幾鐘先走，
今次試搭京橋巴士，
1個多鐘頭後已經返到蓮塘口岸，
食埋午飯他他條條返香港啦!
你次次去都食好多好嘢。
回覆刪除哈哈，係呀，食唔停口呀!
刪除