唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
每次經蓮塘過關返香港，
我都會買埋燒肉和鹽焗雞架!
大小魔怪最鐘意食架啦!
噚日買咗1斤幾燒肉，
晚上食咗半盒，
剩番半盒留番今晚食；
我煮咗支竹炆火腩，
呢個餸真係好送飯架!
材料: 燒肉適量、乾支竹2條(冇炸)、紅椒適量、薑4片、蔥段
調味: 蠔油1湯匙、豉油2茶匙、老抽少許、鹽少許、糖1茶匙、麻油
做法: 支竹浸軟後剪段；紅椒切片；
落少許油爆香燒肉和薑片後盛起備用；
原鑊落支竹、調味和1.5碗水煮至支竹入味，
加入紅椒和燒肉炆多2~3分鐘，落少許生粉水埋芡汁，
最後加蔥段炒勻便成。
如果大家覺得我煮嘅餸菜啱哂口味嘅話，不妨留個言，鼓勵下我啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!