今日香港天氣涼番少少17~18度左右，
而且濕度亦都冇咁高大約80%左右，
比起前兩日已經超爽啦!
今朝買咗5隻雞全翼，
整咗碟黑椒薯仔雞翼，
真係好惹味，
正呀!
材料: 雞全翼5隻、薯仔2個
醃料: 豉油1湯匙、糖1茶匙、生粉1茶匙、麻油少許、黑椒碎少許
調味: 蠔油半湯匙、老抽少許、糖1茶匙、黑椒碎適量、
生粉1茶匙、水3湯匙
做法: 雞全翼解凍後斬件，落醃料醃半日；薯仔去皮切件；
燒熱油鑊落薯仔炸至微微金黃色後撈起隔油；
雞翼放入油鑊內半煎炸至金黃色和熟後撈起；
燒熱鑊落少少油，將薯仔和雞翼回鑊快炒，落調味煮至汁濃便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!