2024日本大阪6日5夜之旅~第三日

3月21日星期四

今日天氣晴朗，

我哋食過早餐後就即刻出發去京都伏見稻荷大社。

今次用南海電鐵3 day pass，

搭地鐵御堂筋線去淀屋橋，

轉京阪電鐵由淀屋橋去丹波橋再轉車去伏見稻荷站落車。

午餐就係伏見稻荷大社下面小食街搵食，

咁多美食，

真係檔檔都想食呀!

食飽飽就搭番京阪線去清水寺，

我哋張南海電鐵3 day pass可以免費搭巴士，

我哋懶行就搭幾個站去清水寺，

點知落車後仲要行一大段路；

今日好多人去清水寺，

人貼人，

好迫呀!

清水寺內有幾棵櫻花樹開咗少少花，

仲未夠靚呀!

咁啱見到著和服嘅女學生，

緊係要邀請佢哋同我哋合照啦!

嘻嘻，

咁就可以拉低我哋嘅年齡喇!

搭京阪線去衹園四條，

行埋衹園和花見小路，

我哋就回程返酒店喇!

有4位團友選擇係衹園附近食拉麵，

而我哋另外4個人就返難波福太郎食大阪燒，

我第一次食大阪燒，

叫咗4款人氣嘅大阪燒，

加多一份炒麵，

又幾好食喎!

 

  

大家可以入嚟Facebook讚下我新開嘅Fans專頁呀! 

  

雀后(添飯)Facebook Fan Page