今日整金湯酸菜魚肥牛鍋，
材料有肥牛、魚片、蓮藕、芽菜和金菇，
用咗呢包金湯酸菜魚包，
鐘意加咩材料都得，
好方便架!
老公和大小魔怪都食到lam lam脷呀!
材料: 金湯酸菜魚料包1個、魚片300g(已醃)、肥牛1磅、蓮藕1節、
芽菜$5、金菇1包、薑5片、蒜蓉、辣椒仔2隻、芫茜適量
做法: 肥牛解凍後切半，放入熱水內灼牛肉至8成熟後撈起(去血水)；
蓮藕去皮切片；芽菜和金菇清洗備用；
燒熱鑊落油，加酸菜包和薑片5片先炒香，
落適量熱水和骨湯包煮滾後，落蓮藕片灼5分鐘後，
加入芽菜和金菇灼多1分鐘後撈起，放入大盆內；
之後放入半熟肥牛煮至翻滾後撈起；
再落魚片灼熟後，放入大盆內，淋上湯汁；
灑上蒜蓉、辣椒粒和芫茜，最後淋上熱滾油係面便成。
~今次都係買急凍現成已醃嘅魚片，好爽口味道頗鮮味，
所以包醃魚包我冇用到呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!