2023湖南之旅~第三天

2023年7月23日(星期日)

今朝食早餐時間為6點30分，

7點20分就要出發喇!

時間有D趕，

食飽就好。

第一個景點~湖南張家界土司城，

有駐園人員親自講解，

認識土家族文化風俗。

第二個景點~七十二奇樓，

一個網紅打咭點，

其實係一個夜市，

有好多個小食舖頭

晚上好熱鬧架!

但早上未開門，

影影相就走。

今日午餐有十個餸，

都唔錯喎!

今餐要食飽D，

因為一陣要去行山呀!

老公心心念念嘅張家界天門山，

終於嚟到啦!

我哋先搭索道上天門山凌霄台，

好似28人一架車，

呢度風景真係壯觀，

老公話不枉此行呀!

導遊話天門山一年有2/3時間係落雨有霧，

今日天朗氣清，

我哋真係好好彩!

由天門山山腳搭扶手電梯上天門山山頂，

全程有12段電梯，

企足廿分鐘，

第一次感到搭電梯都搭到攰呀!

嚟到天門山玻璃棧道，

又名鬼谷棧道，

真係唔好睇少，

呢度D玻璃太過清晰，

望落下面咁鬼高嘅懸崖峭壁，

細膽D都唔敢行呀!

離開玻璃棧道後就要開始下山喇!

由於遊人眾多，

所以呢度聚集咗好多人；

但遊客下山係分咗唔同時段嘅，

所以早嚟到都冇用，

一定要到指定時間先可以排隊搭索道。

呢段索道每架坐8人，

全程28分鐘先落到市區呀!

晚餐食野生菌養生宴，

酒店就住山水中天國際酒店，

返到酒店冇哂力去行街，

沖涼洗頭後就瞓覺喇!

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page