呢幾日小魔怪WFH，
平時我同老公兩個人食得好清淡，
有佢係度食飯就要煮好多肉喇!
專登成佢煎咗兩塊大雞扒，
啖啖肉，
啱哂佢啦!
材料: 雞扒2塊、蒜蓉、薑蓉
醃料: 鹽2茶匙、黑椒適量、橄欖油少許
做法: 雞扒解凍後用廚紙索乾水份，用刀把雞扒厚肉位置界幾刀，
落醃料、蒜蓉和薑蓉醃半日；從雪櫃取出雞扒放室溫1小時；
燒熱鑊不需落油，用中火先煎有皮雞扒約6~8分鐘(需要加鑊蓋)，
待雞扒出油後，反轉煎另一面約6~8分鐘(需要加鑊蓋)，
最後再反轉煎帶皮雞扒，咁塊雞皮就更加脆口啦!
~記得煎雞扒前要先抹去蒜蓉和薑蓉，因為蒜蓉和薑蓉好易燶，
燶就有苦味架啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!