噚日買咗4磅豬手粒，
一次過滷哂4磅豬手，
我仲加咗8隻雞腳添!
點知豬手粒食唔哂，
今日再加個豬肚落去一齊滷，
又食多一餐，
好抵食啦!
材料: 豬手粒4磅、雞腳8隻、紹酒2湯匙、滷水包1個、薑10片、蔥段
調味: 老抽6湯匙、豉油3湯匙、冰糖適量
做法: 凍水落鍋加入豬手粒、雞腳、薑5片、蔥段和紹酒1湯匙，
煮滾出水8分鐘後撈起沖水備用；雞腳剪甲備用；
燒熱油鑊落薑5片煎香，加入豬手粒快炒後贊紹酒1湯匙，
炒出香味後落調味、冰糖、5~6碗熱水和滷水包，
煮滾後轉細火慢慢煮1小時，落雞腳再炆多30分鐘，
熄火後唔好開蓋繼續焗佢煮涼後，食飯前再火炆多15分鐘，
按個人口味落鹽調味便成。
~今日再加個豬肚落去一齊滷，豬肚放入鑊內加入薑2片、蔥段和紹酒，
出水8分鐘後沖水，洗淨豬肚開邊剪去肥膏；
用番之前滷豬手嘅滷汁，加適量老抽、豉油和冰糖，
滷豬肚1小時後，加入食剩嘅豬手粒，再炆煮30分鐘便成。
樣樣都啱食呀！
回覆刪除一道充滿骨膠原嘅菜式。
刪除