2023湖南之旅~第二天

2023年7月22日(星期六)

導遊話今日行程係呢幾日最輕鬆嘅一日，

9點鐘出發，

所以我哋有好多時間去食早餐呀!

早餐都幾豐富，

味道唔錯喎!

食完早餐就出發去張家界大峽谷玻璃橋；

不過，

未去玻璃橋前，

我哋先去食午餐，

食完早餐冇耐，

有少少飽飽哋囉!

今餐特色係食娃娃魚。

原本我哋呢個團係有幾個指定購物點，

導遊話知道我哋對呢D購物點不感興趣，

所以全部取消了，

佢只帶我哋嚟呢度品茶，

飲茶前，

有人同我講唔好買唔好買，

點知最後呢，

有人買咗兩大磚茶囉!

張家界大峽谷玻璃橋，

真係好壯觀，

原本我以為會好驚，

點知一D都唔怕，

行得好輕鬆添呀!

今晚我哋住係張家界郊外嘅錦華大酒店，

晚餐就係酒店餐廳食飯，

咁啱今日有一位團友生日，

導遊買咗個大蛋糕同我哋團友一齊慶祝，

而我和老公開心哋請大家飲當地張家界出品嘅啤酒，

嘻嘻，

又幾好飲喎!

食完飯，

落街行咗一陣就返酒店休息喇!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page