咖哩蘿蔔牛筋腩

今晚炆咗一大鍋咖哩蘿蔔牛筋腩，

點知大魔怪話唔返嚟食飯，

不過唔緊要喎，

咖哩隔日食仲入味呀!

材料: 牛肋條1.5磅、熟牛筋1磅、白蘿蔔1個、薑8片、

紹酒1湯匙、秘撈魚蛋醬2.5湯匙、冰糖適量

調味: 豉油1湯匙、老抽適量、鹽適量(自行調節)

做法: 牛肋條解凍後，放入鍋內加水、紹酒1湯匙和薑4片，

煮滾後出水8分鐘，取出牛肋條沖洗乾淨，切粒備用；

蘿蔔去皮滾刀切件；熟牛筋沖洗乾淨後切件；

燒熱油鑊落牛肋條、熟牛筋、薑4片和秘撈魚蛋醬先炒香，

落4~5碗熱水(蓋過牛腩)和冰糖煮滾後，轉小火慢慢炆煮1小時，

落埋蘿蔔煮多30分鐘，最後按個人口味落調味便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page