2023湖南之旅~第一天

2023年7月21日(星期五)

今朝要7點40分去到福田口岸，

我和老公一早6點左右已經出門口等B1，

點知去到送車尾，

起碼要等廿分鐘先有車，

所以我哋去到福田口岸已經過咗7點半，

好趕呀!

全團有18人，

個個都好守時，

讚呀!

坐地鐵去深圳北站搭高鐵去衡陽東，

車程有2個半鐘以上，

我哋買咗少少零食上車，

仲係高鐵上買飯盒，

我覺得味道唔錯，

好味道呀!

到達衡陽東站，

見到當地導遊後，

就上車去韶山參觀毛澤東故居；

我哋呢個團車程都幾長架，

每次都要坐個幾兩個鐘，

真係有D攰架!

另外，

由於呢個月內地學生開始放暑假，

好多家長會帶小朋友出外旅遊，

所以每個景點都人山人海呀!

我哋排隊參觀毛澤東故居足足排咗45分鐘至1小時，

但兜咗個圈，

唔使10分鐘就行完啦!

參觀完之後，

我哋就去食晚餐啦!

平時湖南菜係好辣嘅，

但導遊安排下，

我哋食嘅餸差不多全部都唔辣，

由於湖南周圍都係山區，

食物食材蔬菜豆腐比較多，

味道都唔錯，

健康呀!

今晚酒店係常德華京酒店，

普普通通，

可以接受。

酒店附近有個小型夜市，

有好多種宵夜小食，

正，

啱哂我呀!

我和老公放低行李就出去搵食喇!

食飽飽返酒店沖涼瞓覺。

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page