原本今日我想炒米粉，
但老公話炒河粉好食喎，
咁就炒河粉啦!
肉碎雞蛋生菜炒河粉，
炒咗3個河粉，
足夠我和老公分兩餐食，
懶人嘅我真係要講聲~正呀喂!
材料: 越南河粉3個、豬肉碎$25、雞蛋2隻、唐生菜1棵
醃料: 豉油1湯匙、鹽半茶匙、糖半茶匙、生粉1茶匙、麻油少許
調味: 蠔油、老抽、豉油、鹽
做法: 河粉放入熱水內出水至軟身，倒出過冷河隔水，落油和老抽撈勻；
豬肉碎落醃料醃15分鐘；唐生菜切片；
雞蛋落少許鹽發勻後炒熟後盛起；
燒熱油鑊落豬肉碎炒至半熟，加蠔油和半碗水煮至肉熟後，
加河粉炒勻，落調味、生菜和雞蛋撈勻，最後落少許麻油炒勻便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!